Омер Сејфедин

Омер Сејфедин е првиот значаен писател на краткиот расказ во турската книжевност. Бил еден од најчитаните писатели во Турција, а и денес неговите дела се читаат со интерес и задоволство. Дел од неговите раскази опишуваат теми од неговото детство и секојдневниот живот, други од неговата војничка служба во разни делови на Османлиската Империја, во Анадолија и на Балканот, трети пак, содржат нота на хумористична критика и сатира на општеството.

​

Во своите дела Сејфедин ги опишува чувствата и размислувањaтa на турскиот човек, а темите на расказите ги црпи од турската традиција, од историските настани и легенди. Расплетот во расказите на Омер Сејфедин се остварува на неочекуван и необичен начин, со што писателот успева да го задржи вниманието на читателот сé до самиот крај.