Шемседин Сами (1850-1904) е еден од првите турски романописци и новинари и прв енциклопедист во турската историја. Неговиот турско-турски речник Kamus-ı Turki (1901) се смета за клучно дело во развојот на турскиот јазик. Ја составил и првата албанска азбука (1879) и ја напишал Албанската граматика (1886). Автор е на театарските дела Беса и Сејди и Јахја и на првите преводи на Виктор Иго и Даниел Дефо . По својата смрт оставил 50 дела од областа лингвистиката, лексикографијата, новинарството и книжевноста. Романот Љубовта на Талат и Фитнат (1872) се смета за прв турски роман кој се стекнал со популарност. Тој е приказна за несреќната љубов помеѓу Талат и Фитнат, двајца сираци кои се вљубуваат еден во друг и живеат со надеж дека еден ден ќе се сретнат и ќе бидат заедно до крајот на животот, но одлуката на постарите го навестува кобниот крај на нивната голема и неостварена љубов.